GalegoLab

Dirixímonos a través de GalegoLab a todos aqueles intérpretes e filólogos, ou estudantes destas carreiras, que queiran colaborar con nós. Isto concretarase na tradución de 2 textos de lonxitude variable (5.000-12.000 caracteres) cada seis ou sete semanas, que é a periodicidade que ten a revista.

A nosa liña editorial privilexia o cinema de autor, e especialmente aquel que se pode ver e se fai en Galicia. Entendemos que hai moito talento na nosa terra, interesantes creadores e atractivos circuítos de exhibición, que non están a ter a difusión que merecen. A Cuarta Parede pretende cubrir ese oco informativo, porque podes ser bo, pero se non falan de ti, é como se non existises. Mágoa, non? E, dende logo, facelo en galego, outro dos estandartes da publicación.

1. Tres licenciados ou estudantes de carreiras relacionadas coa filoloxía ou a tradución dende e ao galego a castelán e portugués.

2. Que esas persoas se comprometan a traducir ou corrixir dous textos (de entre 5.000 e 12.000 caracteres) en cada número da revista, cunha periodicidade de 6-7 semanas.

1. Promover o uso correcto da lingua galega nos medios de comunicación, nomeadamente no ámbito do cinema.

2. Facer que o noso cinema de autor atope unha publicación que poida chamar \'fogar\', dende a que os cineastas poidan dar a coñecer a súa obra.

3. Lograr que os bos circuítos de exhibición dos que gozamos (CGAI, festivais, Cineclube de Compostela, museos,...) non parezan invisibles e crear un interese no público para que se achegue a compartir cinema con nós nestes lugares.

Se che interesa o cinema e a nosa lingua, esperamos que encontres na nosa revista un foro de debate ao que acudir, pois lograr esa interacción contigo, cinéfilo, é todo ao que aspiramos. E se, ademais, queres colaborar na edición de cada número, para cumprir o alto nivel de esixencia que queremos marcar en canto a corrección lingüística, sabe que serás máis que benvido.

Esta idea está pensada para todas aquelas persoas capacitadas para traducir dende e ao galego, e que estean interesadas no cinema. A comunicación será vía Internet.

Non poñemos prazo ningún. Seredes benvidos sempre que nolo pidades.

Constituiremos un grupo de traballo conforme vaiamos recibindo solicitudes. Este estará coordinado por nós e encargarase da tradución dos textos, repartidos segundo os criterios que establezan os integrantes.

A través de Internet

Lamentamos non dispor de cartos para pagarvos, pero se algún de vós quixera presentar esta colaboración como experiencia profesional, nós podemos ofrecervos un certificado conforme traducistes tales textos nos números da revista que correspondan. Pensamos isto esencialmente para estudantes que queiran contabilizalo como prácticas no currículo.

Tamén no caso de que a revista obteña beneficios económicos estes colaboradores serían remunerados.

Igualmente, sobra dicir que o traballo dos tradutores será debidamente acreditado na mancheta da revista.