GalegoLab

Galiza é un país global. Os procesos de migración e espallamento dos galegos e galegas dende finais do século XIX ata hoxe son unha das grandes lacras do noso país. Galiza, polo tanto, precisa de recoñecerse a si mesma tamén na realidade dos que, fóra do país, quixeron manter a lingua galega para a comunicación ou que, por un motivo ou outro, forman parte das comunidades galegas.
Aínda así, os emigrantes 2.0 (que demos en chamar a Nova Diáspora Galega) responden a un novo perfil. Conectados ás redes a tempo completo teñen unha relación máis estreita con Galiza grazas ás tecnoloxías da información e da comunicación. Polo tanto, son unha cidadanía máis informada e, xa que logo, máis crítica. E queremos descubrir os seus problemas e a súa realidade, pois forman parte do futuro do país.

Para iso propoñemos facer un documental que se achegue ás interioridades e claves da Nova Diáspora Galega. Galegas e galegos residentes en diferentes puntos do globo que manteñen certo vencello co país, cun perfil formativo e profesional medio-alto, con amplitude cultural, social e ideolóxica e coa idea de retornar ao país. Esas son as características que fan desta nova diáspora galega unha illa de esperanza nas augas turbias do noso país. A proba de que aqueles que pensan que a solución para Galiza, unha vez máis e como nos tempos de Castelao, ten que vir de fóra, quizais, non estean moi alonxados da verdade.

Polo tanto, a realización dun documental en formato audiovisual sobre a realidade da lingua galega no exterior é o obxectivo principal desta idea. Os obxectivos secundarios son coñecer o contexto social e económico da nova diáspora galega e as súas inquedanzas en relación co país e o retorno.

1. Un equipo de 10 persoas que se adiquen a buscar xente que resida fóra de Galiza.

2. 4 persoas que participen da edición gráfica e de realización do proxecto.

3. Unha voz en off masculina e outra feminina.

4. Un equipo (3 persoas) para elaborar unha campaña de captación de difusión do proxecto e do resultado mediante as redes sociais.

5. Xente que queira saír no documental, de todolos puntos do mundo. Terían que apuntarse aquí: https://docs.google.com/spreadsheet/viewform?formkey=dERwTnlCQjFNSGRLQ19fenFUWW9QSEE6MQ

1. Coñecer máis sobre a realidade da lingua galega no exterior.
2. Coñecer o contexto social e económico da nova diáspora galega.
3. Coñeces as inquedanzas en relación co país e o retorno da diáspora galega.
4. Difundir unha visión da diáspora galega que supere os tópicos.

Vai dirixido ao público xeral galego (de Galicia e do exterior). Tería unha duración aproximada de 60 minutos.

É un proxecto a realizar durante o período outubro 2011 - outubro 2012.

Alba de Groria ocuparíase de:
1. Xestionar e coordinar os recursos.
2. Proporcionar os recursos técnicos.
3. Buscar os recursos humáns ou técnicos dos que se careza para a realización final do proxecto.

Galiza Global

O documental terá licenza Creative Commons e, cando sexa rematado, será difundido polas redes sociais e presentado en diferentes lugares do mundo baixo a coordinación de Alba de Groria. Incluirase o logo de GALEGOLAB nos créditos do documental.