GalegoLab

O twitter é unha ferramenta fácil de usar e con diferentes aplicacións. Unha delas, de servizo público e mellora da comunicación entre librarías e lectores pode ser crear contas de twitter específicas para as librarías de Galiza. A través da ferramenta, cada vez que tivesen algún libro digno de se recomendar, deste xeito chegarían aos lectores potenciais e facilitarían tanto as vendas como a visibilidade do libro galego no propio estabelecemento, moitas veces absorbido polo "xogo de novidades" en lingua castelá. Trátase de que o libreiro olle, escolla e decida que recomendar, segundo o seu criterio profesional.

1. Contacto cos propietarios de oito ou dez librarías que destaquen a literatura galega nas súas novidades.

2. Que teñan acceso á internet.

3. Que se comprometan a actualizar o seu twitter cada vez que lle entren novos libros pola porta.

1. Lograr unha mellor comunicación entre librarías e lectores.

2. Facer visible a literatura galega máis alá dos andeis.

3. Rachar o tópico que condena as librarías a non pintar nada na idade da internet.

4. Crear unha masa crítica dentro das letras galegas distinta á canónica (crítica académica, medios de comunicación, propios axentes editoriais).

5. E sobre todo, estimular a lectura en galego.

–Dirixido ás librarías de Galiza das denominadas "de libreiro"

–A duración é ilimitada

Sería bo esperar a outubro porque en setembro as librarías están na voráxine dos libros de texto.

Nun mes podería estar en marcha para poder lanzar o proxecto en novembro.

O meu tempo e as relacións con algunhas librarías que coñezo desde hai anos para que sirvan de puntas de lanza.

Quizais estea poida ser o primeiro paso para unha libraría galega na internet.