GalegoLab

Coa axuda dos usuarios de GalegoLab, ir elaborando unha lista de comercios e empresas que utilicen o galego con normalidade. Por exemplo, elaborar unha lista por sectores, e dentro de cada sector asignar un grupo de xente que se encargue de facer unha lista das empresas ou comercios que destacan polo seu uso habitual da língua (i en que eidos: publicidade, atención ó público, etc). Crearíase un 'selo de calidade GalegoLab' que se colocaría á entrada dos establecementos correspondentes como recoñecemento á súa colaboración.

Sobre todo, un exército de colaboradores:

- podemos facer unha distribución por sectores económicos para as grandes empresas, de xeito que se lle asigne a un grupo de xente un sector concreto, e nese eido fagan unha lista de empresas e para cada unha delas indiquen 'si/non' se usan o galego nunha serie de campos: publicidade, atención ó público, etiquetado dos productos, carteis, etc.

- habería que facer tamén unha segunda distribución por cidades e vilas para que se faga o mesmo entre pemes locais.

- deseño do 'selo'

- impresión dos 'selos' a pegar nos establecementos premiados e que queiran colaborar

- e por último, máis xente disposta a facerlle chegar ás empresas ou comercios o 'selo de calidade GalegoLab' cando lles sexa outorgado.

- nalgúns casos viría ben darlle publicidade nos medios, de xeito que se publicitase en prensa a entrega do 'selo' nalgúns casos máis relevantes. Nese caso, non estaba de máis que a persoa de GalegoLab que outorga o premio sexa unha personaxe de relevancia no pais.

- Potenciar o uso do galego a nivel empresarial e comercial.
- Que os que defendamos o galego teñamos un 'selo de garantía' recoñecido por todos dos comercios e empresas que usan o galego con normalidade, de xeito que poidamos discriminar positivamente aqueles que o fan.
- Para os comercios sería un xeito de potenciar positivamente a súa imaxe entre os consumidores.
- A visualización do selo á entrada do comercio facilitaría ao usuario o recoñecemento de xeito inmediato.

A duración pode ser idefinida. De feito, podería irse facendo pouco a pouco de xeito que cada vez que alguén reciba o 'selo de calidade GalegoLab' no seu sector, se lle faga algún tipo de recoñecemento. Esto é secundario ou a discutir entre todos, pero sería unha posibilidade.

Comezamos cando queirades, e a partir de ahi de xeito indefinido no tempo.

Eu colaborarei en toda a organización, por exemplo a distribución dos sectores e vilas a analizar, e os cuestionarios a encher polos colaboradores de GalegoLab, etc.

Todo o pais