GalegoLab

A idea é crear un portal web colaborativo que trate amplamente o tema da fonética galega desde un punto de vista práctico, non teórico, ainda que se inclúa unha parte teórica.
Podería meterse unha pequena parte de fonética e fonoloxía teóricas, levada a poder ser por lingüistas ou afeccionados á lingüística, onde expor as bases teóricas da fonética galega.
Outra parte importante podía ser meter exemplos de gravacións da tele, radio e internet (ou ligazóns a elas) de xente falando, para que os internautas comenten os erros fonéticos.
Outra parte podería consistir en que cada quen subise o seu audio/video simplemente falando (ou lendo) para poder dar exemplo da súa fonética ou ben preguntar sobre a corrección da súa fonética. Poderían facerse votacións sobre a fonética dos audios subidos.
Hai outra idea por aquí de unha web de acentos galegos, se cadra podíanse xunguir ambas.

- Alguén que deseñe e cree o portal
- Un sitio web onde colgar o portal
- Xente que colabore no mantemento do portal e na revisión dos comentarios e achegas que se inclúan nel
- Alguén que cree ou axude a crear a parte teórica e que supervise a corrección (fonética, fonolóxica, etc.) dos contidos.
- Publicidade en internet do portal (por exemplo en chuza, vieiros, etc.)

- Elevar a importancia que se lle dá á fonética galega, que actualmente é moi pouca.
- Dispor de un sitio ao que recorrer para consultar dúbidas de usos fonéticos e de corrección de hábitos fonéticos do castelán.
- Axudar aos galegofalantes a saberen qué aspectos da súa fonética son considerados correctos ou auténticos polos demais e cales son considerados castelanizados ou dialectais.
- Axudar á xente que fala en público a que se decate da importancia da fonética que utilizan e que aprenda como mellorala.
- Recompilar nun sitio web todos os aspectos relacionados coa fonética galega.

O portal da fonética galega iría dirixido a todos os galegofalantes, especialmente aos neofalantes que falan galego con fonética castelá, pois en moitos casos os neofalantes se preocupan de falar un galego \"lexicalmente\" correcto, mais esquecen que case é máis importante que sexa fonética e sintácticamente correcto.
Tamén pode ir dirixido aos profesionais da tele e da radio, políticos, etc., para que tomen nota dos seus erros e os poidan corrixir. Para iso habería que ser moi, moi respectuosos coas críticas a eles.
A duración, ao ser un portal web, é indeterminada. Ademáis, ao ser colaborativo, durará o que os internautas queiran que dure.

Cando estea dispoñible o portal.

Podería facer un deseño completo das partes e contidos do portal.