Máster de aldea
Creada e xestionada por Iolanda Ogando | 29 de maio de 2010 ás 21:20
Moitos dos rapaces e rapazas que aprenderon o galego na escola fáltalles fonética e entoación, e tamén léxico, cousas que se poden aprender na aldea. Trátase de organizar encontros entre familias de Chandrexa (Parada do Sil) e familias da cidade, durante unha fin de semana, na aldea. As familias axúdanlles con traballos do campo que haxa que facer nese momento, e os vellos da aldea danlles conversa nos momentos de lecer. Pensado para 3/4 familias (de até 4 membros) por fin de semana.
As familias chegarían a Chandrexa (Parada do Sil) o venres á tarde e marcharían o domingo ao longo da mañá. Participarían en pequenos traballos de axuda para toda a aldea (limpar as fontes, o cemiterio, algunha nave...) o sábado á mañá. O sábado á tarde, realizarían actividades lingüísticas con eles, entre as que se están valorando a recollida de toponimia, oficios característicos da zona, lendas e historias locais.
Na zona existe un pequeno tecido local que permite a realización destas actividades. Ademais, está situada nos Canóns do Sil, o que permite que as familias dos cativos aproveiten a fin de semana para coñecer dunha maneira máis enriquecedora unha zona moi peculiar da xeografía galega.
Hai que:
• Seleccionar un grupo de adultos para participar, de entre os e as veciñas de Chandrexa.
• Preparar as actividades lingüísticas. Algunha idea concreta?
• Preparar actividades para os máis pequenos, no caso de que os houbese,
mentres os pais e os rapaces maiores están colaborando nos traballos da aldea
• Seleccionar a actividade que fagan as familias en beneficio da comunidade local
• Buscar durmida para 4 familias.
• Preparar a 2 ceas (venres e sábado), 2 almorzos (sábado e domingo) e 1 xantar (sábado)
• Transporte?
Na zona existe un pequeno tecido local que permite a realización destas actividades. Ademais, está situada nos Canóns do Sil, o que permite que as familias dos cativos aproveiten a fin de semana para coñecer dunha maneira máis enriquecedora unha zona moi peculiar da xeografía galega.
Hai que:
• Seleccionar un grupo de adultos para participar, de entre os e as veciñas de Chandrexa.
• Preparar as actividades lingüísticas. Algunha idea concreta?
• Preparar actividades para os máis pequenos, no caso de que os houbese,
mentres os pais e os rapaces maiores están colaborando nos traballos da aldea
• Seleccionar a actividade que fagan as familias en beneficio da comunidade local
• Buscar durmida para 4 familias.
• Preparar a 2 ceas (venres e sábado), 2 almorzos (sábado e domingo) e 1 xantar (sábado)
• Transporte?
Cales son as necesidades
• Conexión a internet en Chandrexa do Sil para a preparación da actividade e para a narración da experiencia en directo.
• Durmida para 3/4 familias.
• Comida para 3/4 familias
• Durmida para 3/4 familias.
• Comida para 3/4 familias
Cales son os obxectivos
• que rapaces e rapazas teñan contacto con galego vivo de contornos rurais
* que as familias de contornos principalmente urbanos entren en contacto coa vida das familias dunha aldea da montaña ourensá, cunha cultura e unha natureza singulares,
• que os adultos e anciáns deses contornos rurais valoricen o seu galego como algo interesante tamén para a xente que vive en contornos castelanfalantes.
* que as familias de contornos principalmente urbanos entren en contacto coa vida das familias dunha aldea da montaña ourensá, cunha cultura e unha natureza singulares,
• que os adultos e anciáns deses contornos rurais valoricen o seu galego como algo interesante tamén para a xente que vive en contornos castelanfalantes.
O básico: cando, onde, para quen...
Cando: Unha fin de semana de setembro (por decidir)
Onde: Chandrexa (Parada do Sil)
Onde: Chandrexa (Parada do Sil)
Cal é o prazo de execución
Unha fin de semana de setembro
A miña propia contribución
• Infraestrutura local
• Algúns produtos típicos da zona (noces, torta de castañas) e da tempada, cultivados: mazás, uvas, xudías, seguramente tomates
• Coordinación local, selección dos maiores.
• Algúns produtos típicos da zona (noces, torta de castañas) e da tempada, cultivados: mazás, uvas, xudías, seguramente tomates
• Coordinación local, selección dos maiores.
Lugar de realización
Parada do Sil - Chandrexa
Preguntas realizadas sobre esta idea
Pensaches na posibilidade de que, en vez de rapaces e rapazas, o proxecto se faga pensando en familias? Tal vez tres ou catro familias de pais/nais e rapaces/rapazas. 10 de xuño de 2010 ás 15:07 por GalegoLab
Pensamos, si: despois de falarmos nestes últimos días con algunha xente do concello, parece máis axeitado propor unha actividade para pais/ nais con fillos/fillas.
Para alén de nos facilitar enormemente a organización (transporte, responsabilidade civil, etc.), cremos que a actividade pode resultar aínda máis interesante para todos os participantes: os pais e nais serán unha boa axuda para os traballos no campo, poden pasar unha fin de semana a facer algo diferente cos nenos/nenas nun entorno realmente fermoso, en plena Ribeira Sacra.
Os nenos e nenas poden compartir directamente a experiencia cos pais e nais, contaren coa garantía de telos por perto e, ao mesmo tempo, ter os seus espazos para o xogo e, claro está, para a aprendizaxe autónoma, através das conversas e actividades coas persoas maiores da aldea.
E considerando as nosas capacidades e infraestruturas, cremos que o bo sería pensar en 3 ou 4 familias.
penso que deberiase de facer na xeografia galega en xeral, non so quedarse en parada do Sil 10 de xuño de 2010 ás 22:32 por xabigz
Este en concreto é un proxecto pensado para Chandrexa, que é o lugar de onde son e desde onde podo contribuír, pero por suposto, calquera pode collelo e adaptalo ás súas circunstancias e lugares.
A verdade é que sería xenial :-)
Coido que a idea é moi boa, a colaboración dos centros educativos será precisa. Non lle poño chatas, adiante 12 de xuño de 2010 ás 15:32 por Francisco Lopez
Grazas :-)
Espero contar coa colaboración no proxecto dunha veciña licenciada en pedagoxía e con grande experiencia na realización de actividades na parroquia. De feito, grazas ás conversas con ela formáronse algunhas das mellores cousas desta idea. E se cadra aínda podemos contar con outra veciña que fai animación á lectura. así haberá xente cunha perspectiva experta no ámbito dos cativos.
Será de balde ou haberá que pagar a estadía? Vanse seleccionar os participantes ou accederán os primeiros en apuntarse? 6 de xullo de 2010 ás 02:06 por Iago Martínez
A nosa idea é que cada familia pague unha pequena cantidade por toda a fin de semana (mantenza incluída)
Sobre a segunda pregunta non tiñamos pensado nada, pero polo que sei do funcionamento de galegolab, participarían aqueles que se inscribisen primeiro, e en canto se cubrise o número de familias, pecharíase a posibilidade de apuntarse.
Idea
Esta idea propúxoa alguén co obxectivo de mellorar a situación do galego nalgún ámbito.
GalegoLab escollerá as ideas mellor formuladas e máis viables, tendo en conta as prioridades que a comunidade establece cos seus votos. Vota por esta idea se cres que é importante, e transformarase nun proxecto real.
GalegoLab escollerá as ideas mellor formuladas e máis viables, tendo en conta as prioridades que a comunidade establece cos seus votos. Vota por esta idea se cres que é importante, e transformarase nun proxecto real.
Valoración da idea
- 15% (17)Sen dúbida, o mellor
- 52% (57)Paréceme xenial!!
- 20% (22)Mola moito
- 5% (5)É interesante
- 6% (7)Non está mal
- 2% (2)Non me mola