Son o/a promotor/a dunha idea ou dun proxecto... como controlo todo?
Ao ser o/a responsable dun proxecto tes un sistema para levar conta del, que inclúe:
- Información detallada dos últimos avances, que podes consultar na web e/ou recibir por correo. Incluirá o volume das doazóns e os seus autores se son públicos, e mais os contactos da xente que comprometeu a súa axuda non monetaria.
- Un sistema de recepción de mensaxes, que poderás responder.
- Un sistema de edición para meterlle cambios que melloren a túa idea.
Esta información só a verás ti.
Podo cambiar un proxecto en marcha?
Poderanse facer algúns trocos nos proxectos unha vez que estean recadando fondos, pero deberán ser pequenos e de carácter loxístico, que non afecten ao espírito ou método do proxecto.
Se se producisen trocos de importancia, GalegoLab podería cancelar o proxecto.
Pode cancelarse un proxecto?
Si. Pode cancelarse un proxecto cando non se conseguen os cartos a tempo, ou cando o promotor/a queira. No caso de cancelación, anúlase inmediatamente o compromiso de cartos e a xente que os destinou para este proxecto non os investirá.
Pode borrarse un proxecto?
Non. O proxecto gárdase na web de GalegoLab como proxecto que non foi adiante. Facémolo así por transparencia e para que os/as demais poidan aprender desta experiencia para mellorar as súas propostas.
Como sei que un proxecto no que colaborei se chega a facer?
Recibirás un correo.
Ademais, nesta web iremos publicando reportaxes sobre a execución dos proxectos, onde se dará a información necesaria para que quen queira poida reaproveitar o proxecto e aplicalo noutro lugar ou noutra circunstancia.
Quen é o responsable do proxecto?
Todas as persoas que participan no proxecto son responsables da súa parte, como individuos que actúa coordinados entre si. A persoa que xestiona o proxecto non se fai responsable máis ca do seu labor de coordinación e da parte que achegue individualmente (incuída a recollida de cartos, se a hai), e en ningún caso do que fagan ou desfagan as demais persoas participantes.
Como se mellora un proxecto?
Os proxectos, e as ideas, mellóranse a través de preguntas. Calquera usuario/a pode facer preguntas sobre a proposta co obxectivo de mellorar a súa descrición ou implementación. Estas melloras teñen forma de pregunta e resposta porque se busca axilidade e pragmatismo. GalegoLab non é un foro.