Como vai o do diñeiro?
Podes dar diñeiro premendo nun botón no proxecto: ti indicas a cantidade que queres dar, e os datos da tarxeta bancaria coa que os queres pagar.
As doazóns poden ser públicas ou anónimas.
Que sistema se usa para os pagamentos?
Para os pagamentos usarase o sistema PayPal, que permite transaccións completamente seguras (VeriSign Identity Protection)
.
Os e as doadoras necesitan unha tarxeta de crédito, nada máis.
Os e as promotoras do proxecto necesitan abrir unha conta de PayPal, configurada para que as transaccións só se produzan ao final do proxecto e só se todos os recursos necesarios están dispoñibles.
E cando me quitan os cartos?
Só se quitan os cartos da conta se se conseguen todos os recursos necesarios para a execución do proxecto, dentro do prazo establecido. Se non se conseguen todos, nunca se chegan a sacar os cartos.
Vanse usar os cartos dun proxecto para outro proxecto?
Non, nunca.
Cóbranme diñeiro extra?
O sistema de pagamento, Paypal, leva unha pequena comisión (4%) para cubrir os gastos das transaccións, que se lle cobran a quen promove o proxecto. É dicir, se se necesitan 100€ para imprimir uns pósters, o orzamento ten que ser de 104€.
Á persoa que doa cartos non se lle cobra nada por facer esa doazón.
Podo poñer cartos meus para o meu propio proxecto?
Podes, pero é un pouco absurdo. Se vas poñer cartos é mellor que o digas ao comezo na descrición que recursos que ti achegas ao proxecto. Iso tamén axuda a avaliar a viabilidade da proposta.
Podo pagar de máis?
Non. En canto se chegue á cantidade necesaria non se poderán facer máis pagamentos. E se se piden 20 e ti queres poñer 25, o sistema non che vai deixar.