Podo impulsar unha idea ou un proxecto de forma anónima?
Non. Se tes unha idea a prol do galego, tes que estar ben orgulloso/a. :)
Podo doar diñeiro de forma anónima?
Como queiras. GalegoLab anima a que o fagas de forma pública, pero podes facelo anonimamente se queres. O que sempre será secreto é a cantidade concreta que poñas.
Podo colaborar coa miña axuda de forma anónima?
Como queiras. GalegoLab anima a que o fagas de forma pública, pero podes facelo anonimamente se queres. En todo caso, GalegoLab e o promotor/a do proxecto saberán quen es e os teus datos de contacto, aínda que non sexa visible publicamente na web.
Ídesme inchar a correos por colaborar?
Non. Recibirás só catro correos:
- A confirmación de que puxeches cartos ou comprometiches a túa axuda.
- Información de se o proxecto vai adiante ou de que se cancelou por falta de recursos ou porque rematou o prazo.
- Un aviso antes de que se execute o proxecto, só se comprometiches a túa axuda, para lembrarcho e coordinarse se é necesario.
- Información de como saíu todo, cando publiquemos a reportaxe sobre a execución.
Ademais, haberá unha serie de avisos automáticos se es o promotor/a dunha idea ou dun proxecto, que podes configurar dende a túa páxina de perfil.