Quen está detrás da web?
A dona da web é a Asociación GalegoLab. A idea da web e da súa construción foi cousa da Navalla suíza, que tamén se encarga do seu mantemento.
Quen son os socios/as de GalegoLab?
GalegoLab é un colectivo constituído baixo a forma xurídica de asociación cultural que ten como obxectivo de sumar esforzos e vontades, coñecementos e contactos, habilidades e aficións en defensa do idioma galego, especialmente centradas nas culturas emerxentes e nos sectores máis novos da sociedade.
É unha iniciativa que non compite coas xa existentes en defensa do galego, senón que as complementa (e mesmo lle ofrece os seus servizos), e pretende configurarse como unha ferramenta permanente de difusión do idioma.
Entre os seus socios e socias hainos de distintos equipos de fútbol, distintas ideoloxías, distintas idades e distintos gustos gastronómicos, pero todos coinciden no seu interese por promover a lingua galega.
Como podo facerme socio/a de GalegoLab?
Tes todas as instrucións na sección de como facerte socio/a da Asociación GalegoLab.
Que tallada levan?
Ningunha. O mantemento desta web e as persoas encargadas de axudar na execución e na diseminación dos resultados págaos directamente a Asociación cos seus recursos. Ese é o único fin da Asociación.
Cal é o seu obxectivo?
Que isto saia ben.
Por que GalegoLab promove ideas e proxectos?
Durante a fase de lanzamento da web, GalegoLab quere animar a participación cunha pequena cantidade de ideas e proxectos xa en funcionamento. Pero o obxectivo é que este peso inicial se reduza e GalegoLab se dedique ao mantemento, coidado e atención das ideas dos demais.